کراچی ( نئی تازہ رپورٹ) ملک میں رواں مالی سال کے پہلے 10 ماہ (جولائی تا اپریل) میں سیمنٹ کی فروخت میں سالانہ بنیادوں پر15 فیصد کمی ریکارڈ کی گئی جبکہ مئی میں6 لاکھ 10 ہزار ٹن سیمنٹ کی فروخت کااندازہ ہے جو گزشتہ سال مئی کے مقابلہ میں زیادہ ہے۔
آل پاکستان سیمنٹ مینوفیکچررز ایسوسی ایشن کے ذرائع کے مطابق جولائی 2022 سے اپریل 2023 تک کی مدت میں 36.62 ملین ٹن سیمنٹ فروخت ہوئی جوگزشتہ مالی سال کے اسی عرصہ کے مقابلہ میں 15 فیصدکم ہے۔
رپورٹ میں بتایا گیا کہ گزشتہ مالی سال کی اسی مدت میں ملک میں 42.66 ملین ٹن سیمنٹ فروخت ہوئی، ابتدائی اندازوں کے مطابق مئی 2023 میں ملک میں 3.22 ملین ٹن سیمنٹ کی فروخت ہوئی جوگزشتہ سال مئی کے مقابلہ میں دوفیصدزیادہ ہے، گزشتہ سال مئی میں ملک میں 3.15 ملین ٹن سیمنٹ کی فروخت ریکارڈکی گئی تھی۔
رپورٹ کے مطابق جاری مالی سال کے پہلے 10 ماہ میں سیمنٹ کی مجموعی برآمدات کاحجم 4.07 ملین ٹن ریکارڈ کیاگیا ہے جوگزشتہ مالی سال کی اسی مدت کے مقابلہ میں 18 فیصدکم ہے۔
گزشتہ مالی سال کی اسی مدت میں سیمنٹ کی 4.97 ملین ٹن برآمدات ریکارڈکی گئی تھیں، مئی میں 0.61 ملین ٹن سیمنٹ کی فروخت کااندازہ ہے جو گزشتہ سال مئی کے مقابلہ میں زیادہ ہے، گزشتہ سال مئی میں 0.17 ملین ٹن سیمنٹ فروخت ہوئی تھی۔
