واشنگٹن ( نئی تازہ مانیٹرنگ) مائیکرو سافٹ کے بانی بل گیٹس کی بڑی بیٹی ماں بن گئی ہیں ۔
میڈیارپورٹس کے مطابق مائیکرو سافٹ کے بانی اور دنیا کے امیر افراد میں شامل بل گیٹس کی بڑی بیٹی جینیفر اور ان کے مصری مسلمان شوہر نائل نصر کے ہاں بیٹی کی ولادت ہوئی ہے ، بچی کے والدین نے سوشل میڈیا پر یہ خبر شیئر کی ہے تاہم بچی کا نام ابھی نہیں رکھا گیا ہے۔
اس حوالے سے جینیفر اور نائل نصر نے سوشل میڈیا پر بیٹی کی ہلکی سی جھلک بھی شیئر کی ہے۔ بل گیٹس کی طرف سے نانا بننے کے بعد فوری طور پر کوئی رد عمل سامنے نہیں آیا ۔
