دوحہ ( نئی تازہ رپورٹ ) وزیراعظم شہباز شریف اقوام متحدہ کی ترقی پذیر ممالک سے متعلق کانفرنس میں شرکت کے لئے قطر پہنچ گئے۔
دو روزہ کانفرنس آج اتوار سے دوحہ میں شروع ہوگی، ترقی پذیر ممالک کی کانفرنس کا یہ پانچواں اجلاس ہے، کانفرنس میں ترقی پذیر ممالک میں پائیدار ترقی تیز کرنے کے اقدامات پر غور ہوگا۔وزیراعظم شہبازشریف پیر 6 مارچ کو کانفرنس کے اجلاس سے خطاب کریں گے، وزیراعظم کی کانفرنس میں شریک رہنماؤں اور وفود کے سربراہان سے بھی ملاقات ہوگی۔
امیر قطرکانفرنس میں شر کت کرنے والے رہنمائوں کے اعزاز میں استقبالیہ دیں گے، وزیراعظم شہباز شریف بھی امیر قطر کے استقبالیہ میں شریک ہوں گے۔
