اسلام آباد ( نئی تازہ رپورٹ) صدر مملکت ڈاکٹر عارف علوی نے وزیر اعظم کی ایڈوائس پر ملک عبدالولی کاکڑ کو گورنر بلوچستان مقرر کردیا۔صدر مملکت نے گورنر بلوچستان کی تعیناتی کی منظوری آئین کے آرٹیکل 48 ایک اور 101 کے تحت دی ہے۔
واضح رہے کہ حکومتی اتحاد پاکستان ڈیمو کریٹک موؤمنٹ ( پی ڈی ایم ) نے گورنر بلوچستان کا عہدہ بی این پی مینگل کو دینے کا فیصلہ کیا تھا۔ یہ عہدہ خالی ہونے کے باعث گزشتہ کئی ماہ سے اسپیکر بلوچستان اسمبلی قائم مقام کی ذمہ داری نبھا رہے تھے۔ گورنر بلوچستان کیلئے بی این پی سے نام طلب کیے گئے تھے جس کے بعد ملک عبدالولی کاکڑ کا نام تجویز کیا گیا تھا۔ملک ولی کاکڑ کا تعلق بلوچستان نیشنل پارٹی ( مینگل) سے ہے۔
