کراچی ( نئی تازہ رپورٹ) سندھ ہائی کورٹ نے نقیب اللہ قتل کیس میں سابق ایس ایس پی ملیر راؤ انوار اوردیگر ملزمان کی بریت کے خلاف اپیلیں سماعت کے لیے منظور کرلیں۔
مقتول نقیب اللہ کے بھائی عالم شیرکی جانب سے عدالت میں تین مختلف اپیلیں دائر کی گئی ہیں جس میں موقف اپنایا گیا ہےکہ انسداد دہشت گردی عدالت نے ملزمان کو بری کرکے شواہدکو نظر انداز کیا ہے۔نقیب اللہ کے بھائی عالم شیر کی جانب سے انسداد دہشت گردی عدالت کا فیصلہ کالعدم قرار دینےکی استدعا کی گئی ہے۔
عدالت نے ملزمان کی بریت کے خلاف اپیلیں سماعت کے لیے منظور کرلیں اور پراسیکیوٹر جنرل سندھ کو نوٹس جاری کرتے ہوئے4 ہفتوں میں جواب طلب کرلیا۔یاد رہے انسداد دہشت گردی عدالت کی طرف سے نقیب اللہ قتل کیس کا فیصلہ 23 جنوری 2023 کو سنایا گیا تھا۔
