ڈیرہ غازی خان ، ٹرالر اور گاڑی کےتصادم میں پانچ دوست جاں بحق

ڈیرہ غازی خان ( نئی تازہ مانیٹرنگ )ڈیرہ غازی خان کے قریب ٹرالر اور گاڑی کےتصادم میں پانچ افراد جاں بحق ہوگئے۔ حادثہ ڈیرہ غازی خان قصبہ کالا تونسہ روڈ پر پیش آیا،تمام جاں بحق افراد کا تعلق دری ڈھولے والی سے ہے۔ ہسپتال ذرائع کے مطابق جاں بحق افراد میں طاہر ولد پیر بخش سنجرانی ،الیاس ولد بلال دستی،۔ضیا ولد سراج دستی ،زبیر ولد عبدالرشید چکرانی اورعاصم ولد قاسم شامل ہیںِ۔

ریسکیو حکام کے مطابق حادثہ انڈس ہائی وے پر اس وقت پیش آیا، جہاں ڈیرہ غازی خان کی جانب آنے والی گاڑی اوورٹیک کرتے ہوئے مخالف سمت سے آنے والے ٹریلر سے جا ٹکرا ئی۔حادثے کے نتیجے میں گاڑی میں سوار پانچ افراد جاں بحق ہو گئے ۔ جاں بحق افراد کی عمریں25 سے 30 سال کے درمیان تھیں۔ جاں بحق ہونے والے پانچوں افراد دوست تھے. بتایا گیا ہے کہ تمام افراد موقع پر ہی دم توڑ گئے۔