اسلام آباد ( نئی تازہ رپورٹ) وزیراعظم شہباز شریف نے وفاقی اداروں کے گریڈ ایک سے سولہ تک کے سرکاری ملازمین کا مطالبہ منظورکرتے ہوئے اپ گریڈیشن کی منطوری دیدی ہے۔وزیراعظم کی منظوری کے بعد سمری سیکریٹری خزانہ کو ارسال کر دی گئی ہے۔
واضح رہے کہ وفاقی محکموں کے سرکاری ملازمین کا فی عرصہ سے اپ گریدیشن کا مطالبہ کر رہے تھے ۔وزیراعظم کے فیصلہ کے تحت کہ تمام وفاقی محکموں کے ملازمین کو ترقی دی جائے گی، تمام وفاقی محکموں کے ملازمین کا سروس اسٹر کچر ایک جیسا ہوگا۔
وزیراعظم کی طرف سے جاری کردہ ہدایات میں کہا گیا ہے کہ کسی محکمے کو اپ گریڈیشن نہ دینے سے حق تلفی ہوگی، وزیراعظم کی منظور کردہ سمری کے مطابق گریڈ ایک سے پانچ تک کے ملازمین کو دو، دو گریڈ ترقی ملے گی، جب کہ گریڈ چھ سے گریڈ سولہ تک کے ملازمین کو ایک گریڈ ترقی دی جائے گی۔
