اسلام آباد(نئی تازہ رپورٹ ) بین الاقوامی مالیاتی فنڈ ( آئی ایم ایف ) نے پاکستان کی قومی ایئر لائن پی آئی اے کا خسارہ کم کرنے اور آمدنی بڑھانے کے لیے اقدامات کا مطالبہ کر دیا۔ رپورٹ کے مطابق آئی ایم ایف کی جانب سے حکومت کے سامنے متعدد مطالبات کے بعد اب پی آئی اے میں اصلاحات لانے کا کہا گیا ہے۔
آئی ایم ایف نے قومی ایئر لائن کے خسارے میں کمی کرنے اور اسے منافع بخش بنانے کے لیے پلان مرتب کرنے کا کہا ہے اور پی آئی اے انتظامیہ پر زور دیا ہے خسارے میں کمی کے لیے ٹھوس اقدامات کئے جائیں، حکومت پاکستان پی آئی اے کے سالانہ اربوں روپے خسارے پر قابو پانے کے اقدامات یقینی بنائے۔ حالیہ میڈیا رپورٹس کے مطابق پی آئی اے کا مجموعی خسارہ 400 ارب روپے سے زائد ہے۔
