ورلڈ بینک نے پاکستان کے سیلاب سے متاثرہ علاقوں کیلئے ایک ارب 69 کروڑ ڈالر کی منظوری دے دی ہے۔
عالمی بینک کی جانب سے جاری بیان کے مطابق پاکستان کیلئے منظور کردہ ایک ارب 69 کروڑ ڈالر کی رقم سیلاب سے متاثرہ علاقوں میں بحالی کے کاموں پر خرچ کی جائے گی۔
بیان کے مطابق منظور کی گئی رقم سیلاب زدہ علاقوں میں مکانات کی تعمیر، بنیادی صحت مراکز کی تعمیر نو ، زراعت اور لائیواسٹاک کے شعبوں پر خرچ ہوگی۔
ایک ارب 69 کروڑ ڈالرز میں سے 50 کروڑ ڈالر کی رقم انفراسٹرکچر کی درستگی پر خرچ کی جائے گی۔ 50 کروڑ ڈالر سندھ میں سیلاب سے بے گھر افراد کے لیے ہنگامی بنیادوں پر گھروں کی تعمیر پر خرچ کئے جائیں گے۔
ورلڈ بینک کی جانب سے 29 کروڑ ڈالر سندھ میں پانی کی ترسیل اور زراعت کے شعبے میں جدت لانے کے لیے مختص کئے گئے ہیں۔
جبکہ 20 کروڑ ڈالر سماجی تحفظ اور ترسیلی نظام پر خرچ ہوں گے۔
