امریکی ریاست واشنگٹن میں شہد کی مکھیوں سے لدے ایک ٹرک کے الٹنے سے 25 کروڑ مکھیاں آزاد ہو گئیں۔ یہ واقعہ جمعے کے روز واشنگٹن کے مضافاتی علاقے میں پیش آیا۔
حکام کے مطابق ٹرک میں 30 ہزار کلوگرام سے زائد شہد کی مکھیوں کے چھتے موجود تھے جنہیں ایک جگہ سے دوسری جگہ منتقل کیا جا رہا تھا۔ حادثے کے نتیجے میں یہ تمام مکھیاں ماحول میں پھیل گئیں۔
امریکی حکام نے شہریوں کو متاثرہ مقام سے دور رہنے کی ہدایت کی ہے۔ شہد کی مکھیوں کو قابو کرنے کے لیے ماہرین اور شہد کی مکھیاں پالنے والے افراد موقع پر موجود ہیں اور کارروائیاں جاری ہیں۔ امید ظاہر کی جا رہی ہے کہ جلد ہی مکھیاں اپنے چھتوں کے پاس واپس لوٹ آئیں گی۔
