مالا کنڈ ( نئی تازہ رپورٹ) مسلح افراد نے مالاکنڈ میں رشتے کے تنازع پر گھر میں گھس کر فائرنگ کر کے ایک ہی خاندان کے 9 افراد کو قتل کر دیا۔
پولیس کے مطابق واقعہ مالاکنڈ کی تحصیل بٹ خیلہ میں پیش آیا ،جاں بحق ہونے والے افراد میں 3 خواتین اور 6 مرد شامل ہیں، لاشوں کو پوسٹ مارٹم کیلئے بٹ خیلہ ہسپتال پہنچا دیا گیا۔
پولیس کے مطابق قتل ہونے والے تمام افراد اپنے گھر میں سورہے تھے کہ نامعلوم افراد نے گھر میں گھس کر انہیں فائرنگ کر کے قتل کردیا ۔
بتایا گیا ہے ملزمان اور مقتولین کی رشتہ داری ہے اور واقعہ گھریلو تنازع کی وجہ سے پیش آیا، پولیس نے مقدمہ درج کر لیا ہے۔
