اسلام آباد ( نئی تازہ رپورٹ) وزیراعظم شہبازشریف نے سابق وزیراعظم عمران خان کے بیان کی مذمت کرتے ہوئے کہا ہے کہ قومی اداروں اور ان کے افسران کے خلاف الزامات کوبرداشت نہیں کیاجائے گا۔
شہباز شریف نے ٹوئٹر پر ایک بیان میں میں کہا کہ عمران نیازی کی معمولی سیاسی فائدے کیلئے قومی اداروں کو دھمکیاں انتہائی قابل مذمت ہیں۔
وزیراعظم نے کہا کہ عمران نیازی انٹیلی جنس ایجنسی کے افسران پر بغیرثبوت الزامات لگارہےہیں، ان کوبغیر ثبوت کے الزامات کی اجازت نہیں دی جائے گی۔
شہبازشریف نے واضح کیا کہ کہ قومی اداروں اور ان کے افسران کے خلاف الزامات برداشت نہیں کئے جائیں گے۔
