قاہرہ ( نئی تازہ رپورٹ) عرب لیگ نے دس سالہ معطلی کے بعد شام کی رکنیت بحال کرنے کی منظوری دے دی ہے۔
میڈیا رپورٹ کے مطابق قاہرہ میں عرب لیگ ہیڈکوارٹرز میں رکن ممالک کے وزرائے خارجہ اجلاس کے دوران شام کی رکنیت بحالی کیلئے ووٹنگ ہوئی جس کے بعد شام کی رکنیت بحال کر دی گئی ہے۔
عرب لیگ کی جانب سے2011 میں شام کی اتحاد کی رکنیت معطلل کی گئی تھی، 19 مئی 2023 کو سعودی عرب میں ہونے والے عرب لیگ سمٹ کے دوران شام کی رکنیت بحال کرنے پر اتفاق ہوا تھا۔
عرب لیگ کے سکریٹری جنرل احمد ابوالغیط نے ایک بیان میں کہا کہ اب بشارالاسد چاہیں تو رواں ماہ ہونے والے عرب لیگ سمٹ میں شریک ہو سکتے ہیں۔
انہوں نے کہا کہ عرب لیگ کو مکمل رکن کی حیثیت حاصل ہو جائے گی، وہ اتحاد میں اپنی نشست سنبھال سکتے ہیں۔
واضح رہے کہ شامی صدر بشارالاسد کے ساتھ تعلقات کے معاملے پر سعودی عرب کا مؤقف کافی سخت رہا ، تاہم گزشتہ ماہ سعودی وزیر خارجہ شہزادہ فیصل بن فرحان نے دمشق کا دورہ کیا اور دونوں ممالک کے درمیان سفارتی تعلقات کی بحالی پر بات چیت ہوئی جبکہ ایرانی صدر نے بھی چند روز قبل شام کا دورہ کرکے متعدد معاہدوں پر دستخط کیے تھے۔
