وزارت خزانہ اور آئی ایم ایف ٹیم کا اختلافی نکات پر غور کے لیے وقفہ، پیر سے مذاکراتی عمل بحال ہو گا

اسلام آباد( نئی تازہ رپورٹ) وزارت خزانہ کے حکام اور آئی ایم ایف ٹیم کے درمیان اختلافی نکات پر غور کے لیے وقفہ کے سبب جمعہ کی رات مذاکرات نہ ہوسکے۔اب پیر کو مزاکراتی عمل بحال ہو گا۔

وزارت خزانہ کے ذرائع کا بتانا ہےکہ دونوں اطراف سے جمعرات کے اختلافی نکات پر غور کے لیے وقفہ لیا گیا ہے، اب وزارت خزانہ اور آئی ایم ایف کے درمیان مذاکرات پیر13 مارچ کو ہوں گے ۔

ذرائع کے مطابق گزشتہ رات اسٹیٹ بینک اور آئی ایم ایف کے درمیان مذاکرات ہوئے تھے جن میں ایم ای ایف پی کے نکات پر مذاکرات کیےگئے۔

ذرائع کے مطابق پاکستان کی طرف سے اسٹاف لیول معاہدے کے لیے ایم ای ایف پی کی تمام پیشگی شرائط پر عملدرآمد کیا جا چکا ہے۔