کوئٹہ ( نئی تازہ رپورٹ)بلوچستان کے ضلع بولان میں بلوچستان کانسٹیبلری کے ٹرک کے قریب دھماکے کے نتیجے میں 9 اہلکار شہید جبکہ 12 زخمی ہوگئے۔
بولان پولیس کے مطابق ضلع بولان کے علاقے میں کنبڑی پل کے نزدیک دھما کہ ہوا۔ایس ایس پی کچھی محمود نوتیزئی نے 9 اہلکاروں کی شہادت کی تصدیق کرتے ہوئے کہا ہے کہ ابتدائی شواہد کے مطابق دھماکا خود کش تھا۔ نے بتایا کہ ابتدائی معلومات کے مطابق دھماکا موٹر سائیکل خود کش حملہ آور نے کیا، زخمی اہلکاروں کو فوری طور پر طبی امداد کے لئے سول اسپتال سبی منتقل کیا جا رہا ہے۔انہوں نے بتایا کہ دھماکے کے بعد بم ڈسپوزل ٹیم موقع پر پہنچ گئی، علاقے کو سرچ کیا جا رہا ہے۔
بولان پولیس کا کہنا ہے کہ دھماکے کی وجہ سے بلوچستان کانسٹیبلری کا ٹرک الٹ گیا تھا۔ بتایا گیا ہے کہ
بلوچستان کانسٹیبلری کے اہلکار سبی میلے میں ڈیوٹی انجام دینے کے بعد کوئٹہ واپس آ رہے تھے کہ بولان کے علاقے میں دھماکے کا شکار ہو گئے۔
