لاس اینجلس ( نئی تازہ مانیٹرنگ) ٹینس اسٹار نوواک جوکووچ کورونا ویکسینیشن سے استثنیٰ کی درخواست مسترد ہونے پر امریکا میں ہونے والے ایک اور ٹورنامنٹ سے دستبردار ہوگئے۔ سربیا سے تعلق رکھنے والے عالمی نمبر ایک نوواک جوکووچ اب انڈین ویلز ٹورنامنٹ میں شریک نہیں ہوں گے ، متبادل کھلاڑی کو ٹورنامنٹ میں شامل کر لیا گیا۔
میڈیا رپورٹ کے مطابق امریکا میں داخلیکے لیے کورونا ویکسینیشن لازمی ہے تاہم ٹینس سٹار جوکووچ نے اب تک ویکسینیشن نہیں کروائی۔جوکووچ نیٹورنامنٹ میں شرکت کے لئیکورونا ویکسینیشن سے استثنی کی درخواست دائرکی تھی جسے امریکی حکومت کی جانب سے مسترد کردیا گیا ہے۔
اس سے قبل نواک جوکووچ گزشتہ برس آسٹریلین اوپن میں بھی ویکسینیشن نہ کروانے کے باعث شریک نہیں ہو سکے تھے اور انہیں آسٹریلیا پہنچنے پر ڈی پورٹ کردیا گیا تھا جب کہ گزشتہ سال وہ یو ایس اوپن ٹینس ٹورنامنٹ سے بھی دستبردار ہوگئے تھے۔
