لاہور ( نئی تازہ رپورٹ ) ایف آئی اے نے پاکستان تحریک انصاف کے چیئرمین عمران خان کی اہلیہ بشریٰ بی بی کی دوست فرحت شہزادی عرف فرح گوگی کے خلاف کرپشن اور منی لانڈرنگ کے الزامات میں مقدمہ درج کر لیا گیا۔
میڈیا رپورٹ کے مطابق وفاقی تحقیقاتی ایجنسی (ایف آئی اے) لاہور نے فرح گوگی کے خلاف منی لانڈرنگ کا مقدمہ درج کر کے تحقیقات کا آغاز کر دیا ہے۔ اس ے قبل ایف آئی اے نے 16 فروری کو مبینہ منی لانڈرنگ میں فرح گوگی اور ان کے شوہر احسن جمیل گجر کو نوٹس جاری کیے تھے۔
ا یف آئی اے لاہور نے فرح گوگی اور ان کے شوہر احسن جمیل گجر کو اینٹی منی لانڈرنگ کے الزام میں 17 فروری کو طلب کیا تھا، اس سلسلے میں انہیں نوٹس جاری کیے تھے۔ احسن گجر کو جاری کئے گئےنوٹس میں کہا گیا کہ وہ اسٹیٹ بینک کی جانب سے مشکوک ٹرانزیکشن رپورٹس کی تفصیلات کی روشنی میں اپنا مؤقف ایف آئی اے کے سامنےپیش کریں۔
