کراچی( نئی تازہ رپورٹ) حکومت نے بے نطیر انکم سپورٹ پروگرام (بی آئی ایس پی) کے تحت سہ ماہی رقم سات ہزار سے بڑھا کر نو ہزار روپے کر دی گئی ہے، رقم مین اضافہ جنوری 2023ء سے لاگو ہوگا، مارچ میں اضافہ شدہ رقم ادا کی جائے گی۔
تفصیلات کے مطابق وفاقی وزیر، چیئرپرسن بے نظیر انکم سپورٹ پروگرام شازیہ مری نے کہا ہے کہ بی آئی ایس پی کے تحت 90 لاکھ خان دانوں کی مالی معاونت کی جا رہی ہے، 28 ہزار سالانہ کی مالی امداد سہ ماہی اقساط کی صورت میں دی جاتی ہے، حکومت نے سہ ماہی قسط 7 ہزار سے بڑھا کر 9 ہزار کرنے کا فیصلہ کیا ہے۔
انہوں نے کہا کہ غربت زدہ خاندانوں کو مہنگائی کے اثرات سے محفوظ رکھنے کے لئے یہ فیصلہ کیا گیا ہے، بے نظیر نشوونما پروگرام کے ذریعے مستحق حاملہ خواتین، بچوں کو دودھ پلانے والی ماؤں کو بھی مدد فراہم کی جاتی ہے۔ شازیہ مری نے کہا کہ دو سال کی عمر کے بچوں کو معیاری خوراک کے ساشے مہیا کیے جاتے ہیں، اس کے علاوہ 70 لاکھ مستحق بچوں کو بے نظیر تعلیمی وظائف بھی دئیے جاتے ہیں، تعلیمی وظائف سے اسکولوں میں داخلے بڑھے ہیں اور ڈراپ آوٹ میں کمی آئی ہے۔
