سارے کام رانا ثناء اللہ کروا رہا ہے، اسے نہیں چھوڑوں گا، شیخ رشید

اسلام آباد ( نئی تازہ مانیٹرنگ) سربراہ عوامی مسلم لیگ شیخ رشید نے کہا ہے کہ رانا ثناء اللہ سارے کام کروا رہا ہے، رانا ثناء اللہ کو پیغام ہے اسے نہیں چھوڑوں گا،گرفتار ہونے کے بعد میڈیا کے سامنے بیان ریکارڈ کر تے ہوئےانہوں نے کہا کہ ایس ایچ او ن لیگ کا ٹاؤٹ ہے اور رانا ثناء اللہ یہ سارے کام کروا رہا ہے، رانا ثناء اللہ کو پیغام ہے اسے نہیں چھوڑوں گا۔قانون کے تحت 6 تاریخ تک ضمانت ہوئی ہے.انہوں نے کہا کہ کہ یہ مجھے پولی کلینک لے آئے ہیں ، کیا میں آپ کو نشے میں نظر آتا ہوں؟ انہوں نے کلمہ پڑھ کر کہا کہ ساری زندگی شراب نہیں پی.۔

شیخ رشید نے کہا کہ پولیس نے سارے گھر کے دروازے توڑے، کھڑکیاں توڑی ہیں، ملازموں کو بے تحاشہ مارا ہے، یہ مجھے اٹھا کر لائے ہیں، سارا سامان اٹھا لائے ہیں، انشاء اللہ حق کی فتح ہو گی، عمران خان کے ساتھ ہیں۔ انہوں نے کہا کہ ان لوگوں نے بدمعاشی کی ہے، سو دو سو لوگ داخل ہوئے اور یہ مسلح تھے، یہ مجھے زبردستی مجھے گاڑی میں ڈال کر لائے ہیں۔ شیخ رشید نے کہا کہ اسلام آباد پولیس نے انہیں راولپنڈی سے گرفتار کیا جب کہ آج ہی اسلام آباد ہائیکورٹ کے جج طارق محمود جہانگیری صاحب سے ضمانت لی اور 6 تاریخ کو آئی جی اسلام آباد کو طلب کیا۔ بعدازاں پولیس نے انہیں پولی کلینک ہسپتال سے طبی معائنہ کے بعد تھانہ سیکریٹریٹ منتقل کردیا۔