راولپنڈی ( نئی تازہ مانیترنگ) ٹیکسلا میں گیس لیکیج سے ہونے والے دھماکے میں 2 بچے جاں بحق ہو گئے،
اطلاعات کے مطابق ٹیکسلا میں محلہ صدیق آباد ڈھوک پراچہ کے علاقے میں گیس کی غیر اعلانیہ لوڈشیڈنگ کے باعث والو کھلا رہ گیا-دوبارہ گیس آنے پرکمرے میں گیس بھر گئی۔ گھر کے کسی فرد کے ماچس جلانے پر اچانک دھماکا ہوا اور آگ بھڑک اٹھی۔ اطلاع ملنے پر ریسکیو 1122 کی ٹیم موقع پر پہنچ گئی –
ابتدائی اطلاعات کے مطابق آگ میں 5 سالہ سدیس اور 4 سالہ اویس جھلس کر جاں بحق ہو گئے جب کہ بچوں کی والدہ ، ایک انتہائی کم عمر بچہ اور ایک بزرگ بری طرح جھلس کر زخمی ہو گئے۔
ابتدائی امدادی کارروائی کے بعد جاں بحق بچوں کی لاشیں اور زخمیوں کو اسپتال منتقل کر دیا گیا۔ پولیس نے واقعہ کی تحقیقات شروع کر دی ہیں-
