اسلام آباد (نئی تازہ نیوز)وزیراعظم شہباز شریف کی جانب سے دہشت گردی کے معاملہ پر بلائی گئی کل جماعتی کانفرنس کی تاریخ تبدیل کر دی گئی۔
وزیر اطلاعات مریم اورنگ زیب نے ٹوئٹر پر جاری بیان میں بتایا کہ اے پی سی میں ملک کی تمام قومی و سیاسی قیادت کو مدعو کیا گیا ہے۔ آل پارٹیز کانفرنس 7 کے بجائے اب جمعرات 9 فروری کو اسلام آباد میں منعقد ہوگی ۔ کانفرنس میں دہشت گردی اور درپیش چیلنجز سے مقابلے کے لئے مشترکہ حکمت عملی مرتب کی جائے گی جبکہ نیشنل ایکشن پلان پر نظرثانی ہوگی۔پاکستان تحریک انصاف کو بھی اے پی سی میں شرکت کی دعوت دی گئی ہے تاہم پی ٹی آئی رئنمائوں نے شرکت سے انکار کر دیا ہے۔
