لاہور ( نئی تازہ رپورٹ) سابق وزیراعظم عمران خان کی طرف سے پنجاب کے نگران وزیراعلیٰ کے لیے تین نام سامنے آگئے .چیئرمین پی ٹی آئی.اور قائم مقام وزیراعلی ٰپنجاب پرویز الہی کے درمیان صوبے کے نگران وزیراعلی کے نام پر مشاورت ہوئی۔مشاورت کے بعد تین نام تجویز کیے گئے ہیں۔ جن میں احمد نواز سکھیرا ،نصیر خان اور ناصر سعید کھوسہ شامل ہیں۔
احمد نواز سکھیرا سینئر بیوروکریٹ ہیں۔15 اپریل 2020 کو کابینہ ڈویژن کے سیکریٹری مقرر ہوئے ۔اس سے قبل وہ تجارت، ٹیکسٹائل، اطلاعات، بورڈ آف انویسٹمنٹ میں بطور وفاقی سیکریٹری خدمات انجام دے چکے ہیں۔14 اگست 2022 کو انہیں حکومت پاکستان نے تمغہ ہلالِ امتیاز سے نوازا تھا۔
محمد نصیر خان سابق وزیر صحت ہیںجن کا تعلق پنجاب کے ضلع نارووال سے ہے۔ وہ 2004 میں سابق نگران وزیراعظم چوہدری شجاعت حسین اور شوکت عزیز کی کابینہ میں وفاقی وزیر صحت رہ چکے ہیں۔
ناصر سعید خان کھوسہ سابق چیف جسٹس آف پاکستان آصف سعید خان کھوسہ اور سابق ڈی جی ایف آئی اے طارق کھوسہ کے بھائی ہیں۔
اس سے قبل 2018 میں بھی تحریک انصاف نے ناصر سعید کھوسہ کا نام پنجاب کے نگران وزیراعلی کے لیے تجویز کیا تھا جس سے مسلم لیگ ن نے اتفاق کیا تھا تاہم بعد میں عمران خان کی طرف سے یہ نام واپس لے لیا گیا تھا۔ناصر سعید کھوسہ پنجاب اور بلوچستان میں چیف سیکریٹری رہے ہیں اور وزیراعظم کے پرنسپل سیکریٹری کے طور پر کام کر چکے ہیں۔ انہوں نے شہباز شریف کی وزارت اعلیٰ کے دور میںانکے ساتھ بطور چیف سیکریٹری بھی خدمات انجام دیں۔
پرویز الٰہی نے امید ظاہر کی ہے کہ پوزیشن کھلے دل سے سوچے تو ان ناموں میں سے ایک پر اتفاق ہو جائے گا.
