پنجاب میں نگران وزیراعلیٰ کے لیے مسلم لیگ (ن) نے تین ناموں پر غور شروع کردیا۔
نجی ٹی وی کے مطابق پنجاب اسمبلی کی تحلیل کے بعد ن لیگ نے نگران وزیراعلیٰ کے تقرر کے لیے ناموں پر غور شروع کردیا۔ معلوم ہوا ہے کہ پارٹی قیادت جسٹس (ر) خلیل الرحمان رمدے، سابق بیورو کریٹ ناصر مسعود کھوسہ اور جسٹس جواد ایس خواجہ کے ناموں پر غور کرے گی۔
پارٹی ذرائع کے مطابق قیادت نے نگران وزیراعلی کے لیے سینئر رہنمائوں سے مزید نام بھی طلب کئے ہیں۔
گورنر پنجاب نے قائم مقام وزیراعلی چوہدری پرویز الٰہی اور پنجاب اسمبلی میں قائد حزب اختلاف حمزہ شہباز کو نگران وزیراعلی کی تقرری کے لیے خط لکھ رکھا ہے، حمزہ شہباز اس وقت بیرون ملک ہیں۔ واضح رہے کہ پی ٹی آئی کی جانب نگران وزیر اعلیٰ کے لئے تین نام سامنے آچکے ہیں .
اسلام آباد: مانیٹرنگ ڈیسک
