دبئی سے اسلام آباد آنے والی پی آئی اے کی پرواز میں دھوئیں کی اطلاع پر طیارے کے اطراف ایمرجنسی نافذ کر دی گئی اور فلائٹ کو مکمل چیکنگ کے بعد کلیئر ہونے پر 3 گھنٹے تاخیر سے اسلام آباد روانہ کیا گیا۔
اطلاعات کے مطابق طیارے کے فوڈ ایریا میں جلنے کی بو اور دھوئیں کی اطلاعات کے باعث طیارے کو دبئی ایئرپورٹ پر کافی دیر تک روکا گیا طیارے کے اردگرد ہنگامی صورتحال کا اعلان کر دیا گیا اورضروری اقدامات کے لیے رابطے کیے گئے۔
اس دوران کسی ہنگامی صورتحال سے نمٹنے کے لیے فائر بریگیڈ اور ایمبولینسز سمیت متعلقہ انتظامات کر لیے گئے ۔
بعد ازاں عملے کی جانب سے جانچ پڑتال کے بعد طیارے کو کلئیر کیا گیا، ایمرجنسی صورتحال کی وجہ سے پی آئی اے کی پرواز 3 گھنٹے کے بعد اسلام آباد کے لئے روانہ ہوئی ۔
PIA
