کراچی ( نئی تازہ رپورٹ) بورڈ آف انٹرمیڈیٹ ایجوکیشن کراچی نے انٹرمیڈیٹ کے امتحانات 2024 کی ڈیٹ شیٹ جاری کردی ۔
تفصیلات کے مطابق اعلیٰ ثانوی تعلیمی بورڈ کراچی کے تحت انٹرمیڈیٹ کے امتحانات 28 مئی 2024 سے شروع ہوں گے ۔
بورڈ کی طرف سے جاری کردہ امتحانی شیڈول کے مطابق ایف اے، ایف ایس سی( انٹرمیڈیٹ ) کے امتحانات منگل 28 مئی سے شروع ہو کر 26 جون 2024 تک جاری رہیں گے ۔ بورڈ ذرائع کے مطابق کراچی سے انٹرمیڈیٹ امتحانات میں 2 لاکھ 90 ہزار سے زائد طلباء شرکت کریں گے ۔
اطلاعات کے مطابق امتحانات کے سلسلہ میں چیئرمین انٹربورڈ اور کمشنرکراچی کی میٹنگ کل ہو گی۔ چیئرمین انٹر بورڈ سیکرٹری یونیورسٹی بورڈ اور جی ایم کے الیکٹرک بھی میٹنگ میں شرکت کریں گے۔
میٹنگ کے دوران امتحانی مراکزپرلوڈشیڈنگ کے معاملہ اور دفعہ 144 کے نفاذ سے متعلق تبادلہ خیال کیا جائے گا۔
