کراچی( نئی تازہ رپورٹ) کراچی میں ڈکیتی کے لئےعمارت میں گھسنے والے برقع پوش ڈاکو پولیس مقابلے میں ہلاک ہو گئے۔
پولیس کے مطابق کورنگی کی ایک تین منزلہ عمارت میں لوٹ مار کی نیت سے تین ڈاکو داخل ہوئےجس کی اطلاع ملنے پولیس موقع پر پہنچ گئی، دو ڈاکوؤں نے برقعہ پہن رکھا تھا، پولیس کے پنچنے پر ڈاکوؤں کے ساتھ مقابلہ ہوا جس میں تینوں ڈاکو مارےگئے۔
عمارت کے رہائشی نے نجی ٹی وی کو بتایا کہ دو برقع پوش ڈاکوئوں سمیت تین ڈاکو اسلحہ لے کر گھر میں داخل ہوئے ، ڈاکوؤں نے پہلی منزل پر رہائش پذیر افراد کو لوٹنا شروع کیا تو اس دوران پولیس بھی پہنچ گئی۔
عمارت کے رہائشیوں کے مطابق ڈاکوؤں نے گھر سے نقد ی اور 4 موبائل فون چھینے، پولیس کے پہنچنے پ ڈاکو چھت پر چلے گئے جہاں ان کا پولیس کے ساتھ مقابلہ ہوا، اس دوران 2 ڈاکو چھت پر ہی مارے گئے جبکہ تیسرا ڈاکو کود کر ساتھ والے گھر میں چلا گیا لیکن پولیس مقابلے میں تیسرا ڈاکو بھی ہلاک ہو گیا۔
بتایا گیا ہے کہ احمد اورصادق نام کے ڈاکو اسی علاقے کے رہائشی تھے جبکہ تیسرے کی شناخت کی جارہی ہے ۔
