راولپنڈی( نئی تازہ مانیٹرنگ) اڈیالہ جیل راولپنڈی میں قیدیوں کے درمیان تصادم کے نتیجے میں ایک قیدی قتل جبکہ ایک زخمی ہوگیا۔
واقعہ جیل کے ہائی سیکیورٹی زون میں پیش آیا جہاں سابق وزیر اعظم عمران خان بھی قید ہیں۔
جمعرات کے روزنجی ٹی وی چینل نے جیل انتتطامیہ کے حوالے سے بتایا کہ دو قیدیوں کے درمیان جھگڑے کے بعد تصادم شروع ہوا۔ ایک قیدی نے دوسرے پر حملہ کر دیا جس سے وہ موقع پر ہی دم توڑ گیا۔زخمی قیدی کو علاج کے لیے پمز اسپتال منتقل کردیا گیا ہے۔
یہ بھی پڑھیں : سرکاری ملازمین کے لیے ریٹائرمنٹ کی عمر62 سال ، اسٹیبلشمنٹ ڈویژن رضا مند
قیدی کے قتل سے متعلق جیل حکام نے بیان جاری کیا ہے جس میں کہا گیا ہے کہ قتل کا معاملہ ذہنی مریضوں کے سیل نمبر 8 میں پیش آیا، ایک قیدی احسن نے پانی والے مگ سے دیوار سے اینٹ کھرچ کر نکالی اور اس نے دیگر ذہنی مریض قیدیوں پر حملہ کر دیا۔
بیان کے مطابق قیدی کے حملے میں سوئے ہوئے قیدی زخمی ہوئے جن میں اعجاز ربانی، شیراز اور حماد علی شامل ہیں۔
جیل حکام نے کہا ہے کہ تمام زخمی قیدیوں کو پمز ہسپتال منتقل کیا گیا،جن میں سے زخمی اعجازربانی دوران علاج دم توڑ گیا۔
جیل حکام کےمطابق آئی جی جیل خانہ جات نے واقعہ کی انکوائری کا حکم دے دیا ہے، ڈی آئی جی جیل راولپنڈی انکوائری کر رہے ہیں۔
