قومی کرکٹ ٹیم کے سابق کپتان سرفراز احمد نے پاکستان چھوڑنے کی خبروں کی تردید کر دی۔
ایک نجی ٹی وی سے گفتگو کرتے ہوئے سرفراز احمد نے کہا کہ میرے ملک چھوڑنے کی خبرسراسر بے بنیاد ہے۔
سرفراز احمد نے کہا کہ پاکستان چھوڑنا تو دور کی بات میں پاکستان چھوڑنے کا سوچ بھی نہیں سکتا۔ انہوں نے کہا کہ میڈیا کو ایسی خبریں چلانے سے پہلے تصدیق کر لینی چاہیے۔
میڈیا رپورٹ کے مطابق سرفراز احمد کے فیملی ذرائع نے بھی ایسی خبروں کی تردید کرتے ہوئے کہا کہ وہ پاکستان نہیں چھوڑ رہے اوروہ قومی ٹیم میں کم بیک کریں گے۔فیملی ذرائع نے کہا سرفراز نا صرف ڈومیسٹک کرکٹ کھیل رہے ہیں بلکہ پی ایس ایل میں کوئٹہ گلیڈی ایٹر کی نمائندگی بھی کر رہے ہیں۔ اس لیئے ان کے ملک چھوڑنے کا سوال ہی پیدا نہیں ہوتا۔
واضح رہے کہ چند روز قبل سرفراز احمد کے بارے میں یہ خبر پھیلی تھی کہ وہ فیملی سمیت پاکستان چھوڑ کر برطانیہ منتقل ہو گئے ہیں۔
