اسلام آباد( نئی تازہ رپورٹ) الیکشن کمیشن نے سینیٹ قرارداد پر انتخابات ملتوی کرنے سے معذرت کر لی ہے۔
الیکشن کمیشن آف پاکستان کے حکام نے سینیٹ سیکریٹریٹ کو خط میں مطلع کیا ہے کہ سینیٹ قرارداد کا اجلاس میں جائزہ لیا گیا۔الیکشن کمیشن کے لیے اس مرحلے پر الیکشن ملتوی کرنا مناسب نہیں ہوگا۔
خط میں کہا گیا کہ الیکشن کمیشن نے صدرمملکت سے مشاورت کے بعد پولنگ کے لیے 8 فروری 2024 کی تاریخ مقرر کی اور نگران وفاقی اور صوبائی حکومتوں کو ہدایات جاری کی ہیں۔
الیکشن کمیشن نے خط میں کہا کہ عام انتخابات کے انعقاد کے لیے ای سی پی نے تمام تیاریاں مکمل کر رکھی ہیں، ماضی میں بھی عام انتخابات اور بلدیاتی انتخابات موسم سرما میں ہوتے رہے ہیں۔
خط میں بتایا کیا گیا کہ الیکشن کمیشن 8 فروری کو انتخابات کے لیے سپریم کورٹ میں بھی یقین دہانی کروا چکا ہے۔
واضح رہے کہ اس حوالے سے سینیٹر دلاور خان نے چیئرمین سینیٹ کولکھے گئے خط میں کہا ہے کہ سینیٹ نے 5جنوری کو الیکشن ملتوی کرانے کی قرارداد منظور کی لیکن تاحالانتخابات ملتوی کرنے سے متعلق کوئی اقدامات نہ اٹھائے پر تشویش ہے۔
سینیٹر دلاور خان نے چیئرمین سینیٹ کولکھے گئے خط میں کہا کہ قرارداد میں جن تحفطات کی نشاندہی کی گئی ان پر توجہ دینی چاییے تھی، مسائل حل کیے بغیر صاف شفاف انتخابات کے انعقاد پر سمجھوتہ نظر آرہا ہے، انہوں نے لکا کہ یقینی بنایا جائے کہ 8 فروری کے انتخابات ملتوی کیے جائیں۔
