اسلام آباد ( نئی تازہ رپورٹ) سیکرٹری الیکشن کمیشن عمر حمید خان نے طبی وجوہات پر عہدے سے استعفیٰ دے دیا ۔
میڈیا رپورٹ کے مطابق سیکریٹری الیکشن کی صحت کی خرابی اُن کے استعفے کی وجہ بنی۔
ذرائع کے مطابق سیکریٹری الیکشن کمیشن چند روز ہسپتال میں داخل رہے ہیں اور اب گھر میں زیرِ علاج ہیں، عمر حمید خان کے مطابق ان کی صحت کام کرنے کی اجازت نہیں دیتی۔
ذرائع الیکشن کمیشن کے مطابق چیف الیکشن کمشنر نےفوری طور پر عمر حمید خان کا استعفیٰ منظور نہیں کیا۔
سیکریٹری الیکشن کمیشن نے ایسے وقت استعفیٰ دیا ہے جب ملک بھر میں عام انتخابات کے انعقاد میں صرف ایک ماہ باقی ہے۔ جو 8 فروری 2024کو ہوں گے۔
