باجوڑ( نئی تازہ مانیٹرنگ) خیبرپختونخوا کے ضلع باجوڑ میں پولیس کی گاڑی بارودی سرنگ کی زد میں آنے سے 5 پولیس اہلکارشہید اور متعددزخمی ہوگئے۔
میڈیا رپورٹ کے مطابق خیبرپختونخوا کے ضلع باجوڑ کی تحصیل ماموند کے علاقےبیلوٹ فرش میں پولیس گاڑی پربارودی سرنگ کے دھماکے میں پانچ پولیس اہلکار شہید اور 12 سے زائد زخمی ہوگئے، دھماکے سے پولیس کی گاڑی کو بھی شدید نقصان پہنچا۔
پولیس کے مطابق زخمیوں کوخار ہسپتال منتقل کر دیا گیا ہے، بتایا گیا ہے کہ پولیس ٹیم انسداد پولیومہم کے سلسلے میں تعیناتی کیلئے جارہی تھی کہ آئی ای ڈی کی زد میں آگئی۔
واقعہ کے بعد پولیس اور سیکیورٹی فورسز نے علاقے کو گھیرے میں لے لیا اور شواہد اکٹھے کئے جارہے ہیں.
