اسلام آباد( نئی تازہ رپورٹ) الیکشن کمیشن آف پاکستان نے نگران وفاقی وزیر فواد حسن فواد کو عہدے سے ہٹانے کی درخواست مسترد کردی۔
ای سی پی نے نگران کابینہ کے وزیر نجکاری فواد حسن فواد کے خلاف دائر درخواست پرجمعرات کو فیصلہ سنایا۔
الیکشن کمیشن نے نگران وزیر فواد حسن فواد کو عہدے سے ہٹانے کی درخواست مسترد کرتے ہوئے واضح کیا کہ فواد حسن فواد نجکاری کے وزیر ہیں، وہ الیکشن کے معاملات پر اثر انداز نہیں ہو سکتے۔
ای سی پی نے فیصلے میں کہا کہ فواد حسن فواد ماضی میں اہم عہدے پر کام کرتے رہے ہیں، ان کے خلاف دائردرخواست ذاتی رنجش معلوم ہوتی ہے۔
واضح رہے کہ اس سے قبل الیکشن کمیشن کے حکم پر نگران وزیراعظم کے مشیر احد چیمہ کو عہدے سے ہٹادیا گیا تھا۔
