اسلام آباد ( نئی تازہ رپورٹ) سپریم کورٹ میں چیئرمین پی ٹی آئی کی ضمانت کی درخواستیں سماعت کیلئے مقررکردی گئییں۔
میڈیا رپورٹ کے مطابق چیف جسٹس قاضی فائز عیسیٰ نے چیئرمین پی ٹی آئی کی سائفر کیس میں ضمانت کی درخواستوں پرتین رکنی بینچ تشکیل دے دیا ہے۔
تین رکنی بینچ جسٹس سردار طارق مسعود کی سربراہی میں22 نومبر کو اپیلوں پر سماعت کرے گا۔ بینچ میں جسٹس یحییٰ آفریدی اور جسٹس عائشہ ملک بھی شامل ہیں۔
چیئرمین پی ٹی آئی عمران خان نے سائفر کیس میں ضمانت کیلئے سپریم کورٹ میں اپیل دائر کی تھی۔ ان کے وکلا نے سائفر کیس میں فرد جرم کی کارروائی بھی چیلنج کی تھی۔ رجسٹرار آفس نے درخواستیں سماعت کیلئے مقرر کرتے ہوئے چیئرمین پی ٹی آئی کی لیگل ٹیم کو نوٹس جاری کردیا ہے۔
