اسلام آباد( نئی تازہ رپورٹ) سابق وزیراعظم و قائد مسلم لیگ (ن) نواز شریف کی جمعیت علمائے اسلام کے سربراہ مولانا فضل الرحمان سے اہم ملاقات ہوئی ہے۔
نوازشریف منگل کواسلام آباد میں مولانا فضل الرحمان کی رہائشگاہ پہنچے جہاں ان کا پرتپاک استقبال کیا گیا۔
اس موقع پر شہبازشریف،مریم نواز، مریم اورنگزیب اور اسحاق ڈار بھی نوازشریف کے ہمراہ تھے۔
ملاقات کے دوران ملک کی سیاسی صورتحال زیر غور لائی گئی۔
مولانا فضل الرحمان نے بتایا کہ نواز شریف نے ہمارے تنظیمی شہدا کے لیے بھی دعائے مغفرت کی۔
انہوں نے بتایا کہ ہم نے مستقبل میں ن لیگ کے ساتھ مل کر چلنے کا فیصلہ کیا ہے ، انتخابی مراحل پر بھی باہمی مفاہمت اور ایڈجسٹمنٹ کے ساتھ آگے بڑھیں گے ۔
