لاہور( نئی تازہ رپورٹ) ورلڈکپ میں قومی کرکٹ ٹیم کی ناقص کارکردگی کے بعد کپتان بابر اعظم نے قیادت چھوڑنے کا اعلان کردیا۔
بابر اعظم نے اپنے استعفے کا اعلان سماجی رابطے کی ویب سائٹ پر ایک بیان کے ذریعے کیا، انہوں نے کہا کہ ’یہ میرے لیے مشکل فیصلہ تھا لیکن اس فیصلے میں بہتری ہے، بطور کھلاڑی پاکستان کی نمائندگی جاری رکھوں گا۔
انہوں نےکہا کہ نئے کپتان کی ہر طرح سے سپورٹ کرتا رہوں گا۔بابر اعظم نے تمام فارمیٹ کی کپتانی چھڑنے کا اعلان کیا۔
بابر اعظم نے کپتانی کا موقع دینے پر پاکستان کرکٹ بورڈ کا شکریہ ادا کرتے ہوئے کہا کہ ’مجھے ابھی بھی وہ لمحہ نہیں بھولتا جب 2019 میں مجھے کپتانی سونپی گئی تھی، میں نے اپنی کپتانی کے دوران کافی اونچ نیچ دیکھی ہے‘
