سیالکوٹ( نئی تازہ رپورٹ) ایف آئی اے نے سیالکوٹ ایئرپورٹ سے پاکستانی پاسپورٹ پربیرون ملک جانے کی کوشش میں افغان باشندے اور 5 ایجنٹوں کو گرفتار کرلیا۔
میڈیا رپورٹ کے مطابق ایف آئی اے امیگریشن نےایئر پورٹ سے نجیب اللہ نامی افغان مسافر کو گرفتار کرلیا جوجعلی پاکستانی پاسپورٹ بنوا کر سعودی عرب جا رہا تھا۔
بتایا گیا ہے کہ ملزم فلائٹ نمبر پی کے GF773 سے سعودی عرب جا نے والا تھا، اس کے پاکستانی پاسپورٹ پر جعلی پروٹیکٹراسٹیمپ بھی لگی ہوئی تھی، ملزم کی نشاندہی پر ایئرپورٹ کی پارکنگ سے 5 ایجنٹوں اور سہولت کاروں کو بھی گرفتار کر لیا گیا۔
گرفتار ہونے والوں میں میں محمد احد، فیاض خان،شیراز خان، وحید اور نعیم شامل ہیں۔ گرفتار ایجنٹوں نے ملزم کو پاکستانی پاسپورٹ بنوا کر دیا تھا۔
ملزمان کو ایف آئی اے اینٹی ہیومن ٹریفیکنگ سرکل گجرات منتقل کر دیا گیا ہے، جہاں ان سےمزید تفتیش کی جائے گی۔
