اسلام آباد ( نئی تازہ رپورٹ) نگران وفاقی حکومت نے پیٹرولیم مصنوعات کی قیمتوں میں نمایاں اضافہ کردیا۔
وزارت خزانہ کے نوٹیفکیشن کے مطابق پیٹرول کی قیمت میں 17 روپے 50 پیسےاورہائی سپیڈ ڈیزل کی قیمت میں 20 روپے فی لیٹر اضافہ کیا گیا ہے۔
اضافے کے بعد پیٹرول کی قیمت 290 روپے 45 پیسے فی لیٹر ہوگئی ہے، اسی طرح ہائی اسپیڈ ڈیزل کی قیمت اضافے کے بعد 293 روپے 40 پیسے فی لیٹر ہوگئی ہے۔
وزارت خزانہ کی طرف سے جاری نوٹی فکیشن کے مطابق پیٹرول اورڈیزل کی قیمتوں میں اضافے کا اطلاق منگل اور بدھ کی درمیانی رات 12 بجے سے ہو گا۔
واضح رہے کہ نگران وزیر اعظم انوار الحق کاکڑنے ایک روز قبل ہی حلف اٹھایا ہے، اور کابینہ کی تشکیل کے لیے مشاورت جاری ہے. اس طرح نگران حکومت کے دور میں پیٹرولیم مصنوعات کی قیمتوں میں یہ پہلا اضافہ ہے۔
