پاکستانی خاتون کوہ پیما نائلہ کیانی نے دنیا کی بلند ترین چوٹی ماؤنٹ ایورسٹ سر کرلی۔
نائلہ کیانی دوسری پاکستانی خاتون ہیں جنہیں دنیا کی بلند ترین چوٹی سر کرنے کا اعزاز حاصل ہوا۔
رپورٹس کے مطابق پاکستانی خاتون کوہ پیما نائلہ کیانی نے 8849 میٹر بلند چوٹی اتوار کی صبح سر کر لی ہے ۔ نائلہ کیانی اس سیزن میں ایورسٹ ٹاپ پر پہنچنے والی پہلی غیر نیپالی کوہ پیما ہیں۔
انہیں 8 ہزار میٹر سے بلند 5 چوٹیاں سر کرنے والی واحد پاکستانی خاتون خاتون ہونے کا اعزاز حاصل یو چکا ہے۔
اس سے قبل نائلہ کیانی گیشربرم 1، گیشربرم 2، کے ٹو اور اناپورنا جیسی چوٹیاں بھی سر کر چکی ہیں۔
نائلہ کیانی اس سیزن میں ماؤنٹ لوٹسے بھی سر کرنے کا ارادہ رکھتی ہیں۔
