اسلام اباد ( نئی تازہ رپورٹ) پارلیمنٹ کا مشترکہ اجلاس آج پیر 15 مئی کوطلب کر لیا گیا۔
تفصیلات کے مطابق سینیٹ اور قومی اسمبلی کا مشترکہ اجلاس آج شام 4 بجے منعقد ہوگا، پارلیمنٹ ہائوس میں ہونے والے اجلاس کا 19 نکاتی ایجنڈا جاری کیا گیا ہے۔
مشرکہ اجلاس میں احتساب آرڈیننس میں ترمیم کا بل2023 پیش کیا جائے گا، جسے صدر مملکت نے دستخط کے بغیر واپس کر دیا تھا، مشرکہ اجلاس سے منظوری کے بعد یہ بل دستخط نہ کئے جانے پر دس دن کے اندر قانون بن جائے گا۔
مشرکہ اجلاس میں انسانی اعضا کی پیوند کاری کا بل، الیکٹرانک کرائم کے تدارک کا بل 2022 اورتحدید ترمیمی بل 2022 بھی منظوری کیلئے پیش کیا جائے گا۔ قومی معاملات پر جاری بحث بھی ایجنڈے میں شامل ہے۔
