لاہور( نئی تازہ رپورٹ) پاکستان سپر لیگ 8 PSL کے پہلے ایلیمینٹر میں پشاور زلمی Peshawar Zalmi نے اسلام آباد یونائیٹڈ Islamabad United کو 12 رنز سے شکست دے کر ٹورنامنٹ سے باہر کردیا۔
قذافی اسٹیڈیم لاہور میں کھیلے گئے پی ایس ایل کے پہلے ایلیمنیٹر میں پشاور زلمی نے اسلام آباد یونائیٹڈ کی دعوت پر پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 183رنز بنائے۔
پشاور زلمی کی جانب سے کپتان بابراعظم 64 رنز بنا کر نمایاں رہے۔ محمد حارث 34، صائم ایوب 23، ٹام کوہلر-کیڈمور 16، حسیب اللہ خان 15، عظمت اللہ عمر زئی 10، جیمز نیشم 2 اور عامر جمال 1 رن بنا کر آؤٹ ہوئے۔
اسلام آباد یونائیٹڈ کی جانب سے شاداب خان 2، محمد وسیم، فہیم اشرف، فضل الحق فاروقی اور حسن علی نے ایک، ایک وکٹ حاصل کی۔
184 رنز کے ہدف کے لئے کھیلتے ہوئے اسلام آباد یونائیٹڈ کی ٹیم مقررہ 20 اوورز میں 6 وکٹوں کے نقصان پر 171 رنز بنا سکی۔
اسلام آباد یونائیٹڈ کی جانب سے صہیب مقصود 60 اور ایلکس ہیلز 57 رنز بنا کر نمایاں رہے۔ کپتان شاداب خان 26 رنز بنا کر ناٹ آؤٹ رہے۔
پشاور زلمی کی جانب سے سلمان اِرشاد اور عامر جمال نے 2،2 جبکہ عظمت اللہ عمر زئی نے 1 وکٹ حاصل کی۔
پشاور زلمی کی اس کامیابی کے ساتھ ہی اسلام آباد یونئیٹڈ کی ٹیم پی ایس ایل سے باہر ہوگئی ہے، پشاورزلمی کا مقابلہ اب لاہور قلندرز کے ساتھ دوسرے ایلیمنیٹر میں جمعے کو ہوگا۔ جیتنے والی ٹیم ملتان سلطانز کے ساتھ فائنل میں مقابلہ کرے گی۔
