لاہور ( نئی تازہ سپورٹس ڈیسک) پی ایس ایل 8 کے پہلے کوالیفائر میچ میں ملتان سلطانز لاہور قلندرز کو 84 رنز سے شکست دیکر فائنل میں پہنچ گئی۔
بدھ کو قذافی سٹیڈیم لاہور میں کھلے جارہے میچ میں ملتان سلطانز نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 5 وکٹوں کے نقصان پر160 رنز بنائے۔
کیرون پولارڈ نے 34 گیندوں پر 57 رنز کی عمدہ اننگز کھیلی، کپتان محمد رضوان نے 33، عثمان خان 29 اور ٹم ڈیوڈ نے22 رنز بنائے ۔ لاہور قلندرز کی طرف سے حارث رؤف نے 3 کھلاڑیوں کو آؤٹ کیا۔ جبکہ زمان خان اور راشد خان نے ایک ایک وکٹ حاصل کی ۔
لاہور قلندرز کی ٹیم 161 رنز کے ہدف کے لئے کھیلتے ہوئے 15 ویں اوور میں 76 رنز بنا کر آئوٹ ہوگئی، سیم بلنگز 19 رنز بنا کر ٹاپ سکورر رہے۔ شیلڈن کوٹریل نے 3 ، اسامہ میر نے 2 کھلاڑیوں کو آئوٹ کیا۔
