لاہور ( نئی تازہ رپورٹ) پنجاب حکومت نے پی ٹی آئی کی انتخابی ریلی کے معاملے پر لاہور میں رینجرز کو طلب کر لیا۔
میڈیا رپورٹ کے مطابق لاہور میں آج اتوار کو تحریک انصاف کی انتخابی ریلی کے معاملے پر پنجاب حکومت نے رینجرز کو طلب کر لیا ہے۔
ذرائع کے مطابق رینجرز کو کسی بھی ناخوشگوار واقعہ سے نمٹنے کے لیے طلب کیا گیا ہے، صوبائی حکومت پہلے ہی دفعہ 144 نافذ کر چکی ہے ، رپورٹ کے مطابق زمان پارک اور اہم مقامات پر رینجرز تعینات کر دی جائے گی۔
تحریک انصاف نے آج لاہور میں عمران خان کی قیادت میں ریلی نکالنے کا اعلان کر رکھا ہے۔ تاہم پنجاب حکومت نے
اعلان کیا ہے کہ دفعہ 144 کے تحت لاہور میں کسی بھی قسم کی ریلی نکالنے پر پابندی ہو گی۔ نگران صوبائی وزیر عامر میر نے کہا ہے کہ دفعہ 144 صرف آج کے دن کے لیے ہے، تاہم حالات خراب ہونے پر اس کی مدت کو مزید بڑھا یا جا سکتا ہے۔
عامر میر نے کہا کہ آج 12 مارچ کو لاہور میں پی ایس ایل کا میچ ہے، آج لاہور میں میراتھن ریس اور سائیکل ریس کے بھی ایونٹس ہیں، ان تمام ایونٹس کا فیصلہ ایک ماہ سے پہلے ہی ہوچکاتھا، لیکن عمران خان نے اج اچانک ان ایونٹس کے باوجود سیاسی ریلی کا اعلان کر دیا، انہوں نے کہا کہ اس سے قبل بھی شہر میں میچ اور عورت مارچ تھا تو عمران خان نے ریلی کا اعلان کیا تھا۔
