لاہور ( نئی تازہ رپورٹ) مسلم لیگ ن کی سینئر نائب صدر اور چیف آرگنائزر مریم نواز نے عمران خان کو تنقید کا نشانہ بناتے ہوئے کہا ہے کہ لاشوں کا منتظر گدھ کہلاتا ہے سیاستدان نہیں۔وہ جان گیا ہے کہ شکست اس کا مقدر بن چکی ہے۔
مسلم لیگ ن کی چیف آرگنائزر مریم نواز شریف نے اپنے ٹوئٹر پیغام میں عمران خان پر تنقید کرتے ہوئےکہا ہے کہ لاشوں کا منتظر گدھ کہلاتا ہے سیاستدان نہیں۔انہوں نے کہا کہ جس کی سیاست لاشوں کی محتاج ہوجائے، یہ جان لو اس کا ہرحربہ ناکام ہوچکا، وہ جان گیا ہے کہ شکست اس کا مقدر بن چکی ہے۔ مریم نواز نے پی ٹی آئی چیئرمین عمران خان کو نام لئے بغیر گدھ سے تشبیہ دیتے ہوئے لاش کو نوچتے گدھ کی تصویر ٹویٹ کی۔
مریم نواز نےاس سے قبل فیصل آباد میں تنظیمی اجلاس سے خطاب میں کہا کہ ترازو کے پلڑے برابر نہ ہوں تو الیکشن نہیں سلیکشن ہوتا ہے۔ انہوں نے کہا کہ مسلم لیگ ن صرف جیت کے لیے الیکشن میں اترے گی۔
