لاہور ( نئی تازہ رپورٹ) صوبائی محکمہ داخلہ نے لاہور میں دفعہ 144 کے تحت جلسے، جلوسوں پر پر پابندی لگا دی۔
محکمہ داخلہ پنجاب کی جانب سے جاری ہونے والے نوٹیفکیشن کے مطابق لاہور میں احتجاج، دھرنے اور مظاہروں پر بھی پابندی عائد کردی گئی ہے جس کا نفاذ آج بدھ 8 مارچ سے ہوگا، نوٹیفکیشن میں بتایا گیا ہے کہ پابندی 7 روز تک جاری رہے گی۔
نوٹیفکیشن کےمطابق پابندی لاہور میں ٹریفک اور سکیورٹی کی خراب صورتحال کے پیش نظرلگائی گئی ہے۔
واضح رہے تحریک انصاف نے آج لاہو رمیں ریلی کا اعلان کررکھا ہے جب کہ لاہور میں عورت مارچ بھی منعقد کیا جارہا ہے۔ جبکہ جماعت اسلامی بھی خواتین کی ریلی نکال رہی ہے۔
