موٹر وے پر مسافر بس، وین اور جیپ میں تصادم،12 افراد جاں بحق، 20 سے زائد زخمی

رحیم یار خان ( نئی تازہ رپورٹ) موٹر وے پر مسافر بس، وین اور جیپ میں تصادم کے نتیجےمیں 12 افراد جاں بحق اور 20 سے زائد زخمی ہوگئے۔موٹر وے پولیس کے مطابق حادثہ موٹر وےایم 5 پر رکن پور کے قریب اس وقت پیش آیا جب ایک مسافر وین کا ٹائر پھٹ گیا ،مسافر وین کے زخمیوں کو بچانے کی کوشش کی جا رہی تھی کہ اس دوران پیچھے سے آنے والی ایک مسافر بس حادثے کا شکار وین سے ٹکرا گئی۔

پولیس کے مطابق بس کے پیچھے آنے والی جیپ کا ڈرائیور بھی اس غیر متوقع صرتحال کو سمجھ نہ سکا اور جیپ بس سے ٹکرا گئی، حادثے کےنتیجے میں 12 افراد جاں بحق اور 20 سے زئد افراد زخمی ہوگئے۔واقئہ کی اطلع ملنے پر امدادی ٹیمیں موقع پر پہنچ گئیں۔حادثے کے بعد لاشوں اور زخمیوں کو شیخ زید ہسپتال منتقل کر دیا گیا ہے۔جہاں کچھ زخمیوں کی حالت تشویشناک بتائی گئی ہے۔