لاہور(نئی تازہ نیوز) ہائیکورٹ کے فل بنچ نے ایڈووکیٹ جنرل پنجاب احمد اویس سمیت تحریک انصاف دور کے تعینات کردہ 97 لاء افسران کی برطرفیوں کو درست قرار دے دیا۔
جسٹس علی باقر نجفی کی سربراہی میں لاہور ہائیکورٹ کے 5 رکنی فل بنچ نے احمد اویس اور دیگر کی درخواستوں پر سماعت کی۔ فل بنچ کے 4 ججز نے درخواستوں کو جزوی منظور کر لیا، جبکہ ایک جج جسٹس عاصم حفیظ نے فیصلے سے اختلاف کیا۔ عدالت نے حمزہ شہباز کے دور حکومت کے 19 لاء افسران کی تقرریاں بھی غیر قانونی قرار دے دیں، عدالت نے فریقین کے دلائل سننے کے بعد فیصلہ محفوظ کیا تھا۔
