کراچی:(نئی تازہ نیوز) سندھ حکومت نے کراچی، حیدر آباد، دادو میں بلدیاتی انتخابات ملتوی کرنے کا اعلان کردیا۔ جبکہ نئی حلقہ بندیوں بارے نوٹیفکیشن بھی واپس لے لیا .
کراچی میں حکومتِ سندھ کے اعلی سطح کے اجلاس کے بعد صحافیوں سے گفتگو کرتے ہوئے صوبائی وزیرِ اطلاعات شرجیل انعام میمن نے کہا کہ سندھ حکومت نے کراچی، حیدر آباد، دادو میں بلدیاتی انتخابات ملتوی کر دیئے ہیں، سندھ کے دیگر اضلاع میں بلدیاتی انتخابات معمول کے مطابق ہوں گے۔
انہوں نے کہا کہ یہ فیصلہ کسی کے احتجاج اور دھمکی کے باعث نہیں کیا گیا۔ ایم کیو ایم کو حلقہ بندیوں پر تحفظات تھے۔
سوبائی وزیر نے بتایا کہ الیکشن کمیشن کو آئین کی شق 10 کے تحت خط لکھنے کا فیصلہ بھی کیا ہے۔ شرجیل میمن کا کہنا تھا کہ سندھ کے باقی اضلاع میں بلدیاتی الیکشن معمول کے مطابق ہوں گے۔
انہوں نے کہا کہ ایم کیو ایم کو جو تحفظات ہیں انہیں حکومتی سطح پر حل کیا جائے گا کیونکہ وہ ہماری اتحادی جماعت بھی ہے۔ تاہم انہوں نے صوبہمیں سیکیورٹی خدشات کا ذکر بھی کیا ہے۔
