نیشنل الیکٹرک پاور ریگولیٹری اتھارٹی ( نیپرا ) نے کے الیکٹرک کے صارفین کے لیے بجلی ساڑھے چار روپے تک مہنگی کرنے کی منظوری دے دی ہے۔
یکساں ٹیرف کے حوالے سے وفاقی حکومت کی درخواست پر محفوظ فیصلہ جاری کرتے ہوئے نیپرا نے نئی قیمتوں کا اعلان کیا ہے۔ جس کے مطابق کے الیکٹرک صارفین کے لیے بجلی 4 روپے 49 پیسے تک مہنگی کرنے کی منظوری دی گئی ہے جبکہ مختلف کیٹیگریز کیلئے قیمتوں میں ایک روپیہ 49 پیسے سے 4 روپے 49 پیسے تک اضافہ ہوگا۔
وفاقی حکومت نے تقسیم کا کمپنیوں(ڈسکوز) اور کے الیکٹرک کے یکساں ٹیرف کیلئے نیپرا میں درخواست دائر کی تھی، اتھارٹی نے27 دسمبر کو وفاقی حکومت کی درخواست پرسماعت کے بعد فیصلہ محفوظ کیاتھا۔
فیصلہ کے مطابق ایڈجسٹمنٹ اکتوبر، نومبر، دسمبر 2022 اور جنوری 2023 میں استعمال شدہ بجلی کے لئے ہو گی، اضافی ایڈجسٹمنٹ کی وصولی جنوری سے اپریل 2023 تک 4 ماہ میں ہو گی۔
