ٹیلی ویژن کے معروف اداکار و کامیڈین پرائڈ آف پرفارمنس ماجد جہانگیر لاہور کے ہسپتال میں انتقال کر گئے۔
پی ٹی وی پر ڈرامہ سیریز ”ففٹی ففٹی” سے شہرت پانے والے ماجد جہانگیر ایک مہینہ پہلے گھر میں بیڈ سے گر نے کی وجہ سے زخمی ہوئے تھے اور ان کی ریڑھ کی ہڈی میں فریکچر ہوگیا تھا۔ ان کو فالج اور سانس کا مرض بھی تھا جو شدت اختیار کر گیاتھا۔انتقال کے وقت وہ لاہور کے ایک نجی ہسپتال میں زیر علاج تھے ۔
ماجد جہانگیر نے 80 کی دہائی میں اپنی منفرد اداکاری کے باعث پی ٹی وی کی ڈراما سیریز ففٹی ففٹی سے شہرت پائی تھی۔
ماجد جہانگیر کو عمدہ اداکاری پر پرائڈ آف پرفارمنس ایوارڈ بھی ملا، ماجد جہانگیر نے پاکستان ٹیلی ویژن کے لیے 20 سال سے زائد عرصہ کام کیا جبکہ 4 فلموں میں اداکاری کے جوہر دکھائے۔
