لاہور( نئی تازہ رپورٹ) حکومت پنجاب نے حضرت شاہ حسینؒ کے سالانہ عرس کے موقع پر 12 اپریل کو لاہور میں عام تعطیل کا اعلان کیا ہے۔
پنجاب کے محکمہ سروسز اینڈ جنرل ایڈمنسٹریشن (ویلفیئرونگ) کی جانب سے جاری کردہ نوٹیفکیشن کے مطابق حضرت شاہ حسینؒ کے سالانہ عرس (میلہ چراغاں) کے موقع پر 12 اپریل 2025 بروز ہفتہ کو ضلع لاہور میں عام تعطیل ہوگی۔
نوٹیفکیشن میں واضح کیا گیا ہے کہ یہ تعطیل صرف ضلع لاہور تک محدود ہوگی اور شہر میں قائم سرکاری دفاتر پر اس کا اطلاق ہوگا۔ تاہم تعطیل کا اطلاق پنجاب سول سیکرٹریٹ، اس سے منسلک اداروں اور علاقائی دفاتر پر نہیں ہوگا۔
